Dhading News
black rice

दक्षिण एसियामा मात्र १.६ करोड वाढी प्रभावित


आइतवार, भदौ ४, २०७४
अन्तराष्ट्रिय

एजेन्सी । दक्षिण एसियाली क्षेत्रमा पछिल्लो बाढीका कारण एक करोड ६० लाखभन्दा बढी मानिसहरु प्रभावित भएको सहायताकर्मीहरुले बताएका छन् ।

बाढीका कारण नेपाल, बांग्लादेश र भारतमा गरी अहिलेसम्म करिब ५०० जनाको ज्यानको गएको छ । अन्तर्राष्ट्रिय रेडक्रस सोसाइटीका अनुसार बाढीका कारण दक्षिण एसियामा केही वर्षयताकै सबैभन्दा नराम्रोमध्येको एक मानवीय संकट उत्पन्न भइरहेको छ ।
खाद्यान्न अभाव र बाढी पीडितहरुमा प्रदूषित पानीबाट फैलिनसक्ने रोगलाई लिएर चिन्ता व्यक्त गरिएका छन् ।

गम्भीर
अन्तर्राष्ट्रिय रेडक्रस सोसाइटीका क्षेत्रीय उपनिर्देशक मार्टिन फेलरले बाढीका कारण नेपाल र बांग्लादेशमा एक तिहाई मानिसहरु र भारतका चारवटा उत्तरी राज्यमा १ करोड १० लाख मानिसहरु प्रभावित भएको बताए । बाढीका कारण दशौं हजार मानिसहरु विस्थापित भएका छन्।
ूदक्षिण एसियाली क्षेत्रमा केही वर्षयता यो गम्भीरमध्येको एक समस्याको रुपमा देखिन थालेको छ र विनाशकारी बाढीका कारण प्रभावित लाखौं मानिसहरुको आवश्यकता पूरा गर्नका निम्ति तत्काल कदम चाल्न जरुरी छ,ू फेलरले एउटा विज्ञप्तिमा भनेका छन् ।

ूनेपाल, बांग्लादेश र भारतमा लाखौं मानिसहरुहरुले खानेकुराको चरम अभावको र प्रदूषित पानीबाट हुने रोगको सामना गर्नुपरेको छ ।
बांग्लादेशमा बाढीको स्तर एकदमै उच्चबिन्दुमा पुगेको र आउने दिनहरुमा अझ बढ्नसक्ने अनुमान गरिएको छ ।

विध्वंश
सेभ द चिल्ड्रेनका निर्देशक मार्क पिएर्सले अवस्था निकै चिन्ताजनकु रहेको बताएका छन् । उनले भने, अत्यधिक पानीका कारण सहयोग चाहिएका कतिपय समुदायसम्म पुग्न नसकिरहेको अवस्था छ । नेपाल रेडक्रस सोसाइटीले खेतीपाती हुने नेपालको प्रमुख क्षेत्रमा आएको बाढीले धेरै धानबाली नष्ट भएको जनाएको छ ।

नेपाल रेडक्रस सोसाइटीका महासचिव देवरत्न धाख्वाले भने, यो विध्वंशले गम्भीर खाद्य संकट निम्त्याउन सक्ने चिन्ता छ । सेभ द चिल्ड्रेन भारतका प्रबन्धक मुराली कुन्दुरुले हरेक वर्ष मनसुनी वर्षा हुने गरेपनि खासगरी यसपटक विगतमा भन्दा ठूलो पानी परेको बताए बिबिसिले बताएको छ ।

Loading...
  • चीनले एउटै विद्यालयमा ८० करोड रुपैयाँ लगानी

    चीनले एउटै विद्यालयमा ८० करोड रुपैयाँ लगानी

    नेपालकै नमुना विद्यालय स्थापना गर्न भन्दै चीन सरकारले लमजुङको एक विद्यालयमा ठूलो लगानी गरेको छ । लमजुङको राईनास नगरपालिका वडा नम्बर ९ स्थित मोहिरियाकोटको भैैरव माविमा चीन सरकारले करिब ८०
  • विद्यार्थीलाई कथा लेखन प्रशिक्षण दिईयो

    विद्यार्थीलाई कथा लेखन प्रशिक्षण दिईयो

    धादिङबेसी माघ ९ । नीलकण्ठ सामुदायीक सिकाई केन्द्र धादिङको आयोजनामा १ दिने कथा लेखन प्रशिक्षण सम्पन्न भएको छ । नीलकण्ठ उच्च माध्यमिक विद्यालय, वालमन्दिर माध्यमिक विद्यालय , गैरीगाउ माध्यमिक विद्यालय
  • ओफोक धादिङको अध्यक्षमा छत्कुली

    ओफोक धादिङको अध्यक्षमा छत्कुली

    धादिङ माघ ९ । विश्व उपभोक्त महासंघ नेपाल (ओफोक) धादिङको अध्यक्षमा माधव छत्कुली चयन भएका छन् । महासंघको केन्द्रीय निर्णय बमोजिम धादिङ धादिङ शाखाको जिल्ला तदर्थ समितिको अध्यक्षमा छत्कुली चयन
santosh