Dhading News
log dhading

चुनाव नजिकियो, पत्रकार महासंघमा सोसाइटीको नेतृत्व भट्टले गर्दै


शनिबार, साउन २८, २०७४
मुख्य समाचार

काठमाडौं, साउन २८ । नयाँ शक्ति नेपाल निकट पत्रकारहरुको संगठन नेपाल प्रेस सोसाइटीले संगठनका संयोजक रुद्र भट्टको नेतृत्वमा नेपाल पत्रकार महासंघमा प्रतिनिधित्व गर्ने निर्णय गरेको छ ।

सोसाइटीको शनिबार सम्पन्न बिस्तारित बैठकले उक्त निर्णय गरेको हो ।

बैठकपछि जारी विज्ञप्तिमा भनिएको छ, ‘सोसाइटी नेपाल पत्रकार महासंघलाई सम्पूर्ण श्रमजिवी पत्रकारहरुको साझा संगठनको रुपमा विकास गर्नुपर्ने सवालमा दृढ छ । उक्त उद्देश्य पूर्तिका लागि महासंघको आसन्न २५औं महाधिवेशनमा संगठनले सक्रियतापूर्वक भाग लिने निर्णय गरेको छ ।’

सोसाइटीले महासंघको आसन्न महाधिवेशनमा विभिन्न संगठनसँग वार्ता र संवादका लागि सुदर्शन खतिवडा, विदुर खड्का र केशव अर्याल रहेको तीन सदस्यीय वार्ता समिति समेत गठन गरेको छ ।

यसैगरी योगेन्द्र प्रताप शाहीको नेतृत्वमा निर्वाचन समन्वय तथा व्यवस्थापन समिति गठन गरेको सोसाइटीद्वारा जारी विज्ञप्तिमा जानकारी दिइएको छ ।

‘लामो समयदेखि पत्रकारिता क्षेत्रमा सक्रिय रहँदै आउनुभएका नेपाल पत्रकार महासंघ जिल्ला शाखा काठमाडौंबाट केन्द्रीय पार्षदमा निर्वाचित शिव बस्नेत, नेपाल पत्रकार महासंघ बाँके शाखाबाट निर्वाचित केन्द्रीय पार्षद विरेन्द्र पुन, नेपाल पत्रकार महासंघ पाल्पा शाखाका पूर्वसहसचिव विष्णु आचार्यलगायतलाई नेपाल प्रेस सोसाइटीमा स्वागत गर्दै संगठनको केन्द्रीय परिषद सदस्यको जिम्मेवारी दिने निर्णय गरियो,’ विज्ञप्तिमा भनिएको छ ।

Loading...
  • दीपावली: झिलिमिली धादिङबेसी

    दीपावली: झिलिमिली धादिङबेसी

    धादिङबेसी कार्तिक २ । यमपञ्चकको तेस्रो तथा दिन बिहीवार ऐश्वर्य, धनधान्य र सम्पन्नताकी देवी लक्ष्मीको पूजा आराधना गरी लक्ष्मीपूजा तथा दिपावली पर्व मनाईएको छ । उज्यालो पर्वका रुपमा मनाईने लक्ष्मीपुजा
  • ढाप भञ्ज्याङमा खुल्ला भलिबल प्रतियोगिता जारी

    ढाप भञ्ज्याङमा खुल्ला भलिबल प्रतियोगिता जारी

    धादिङ कार्तिक २ । धादिङको सिद्धलेक र ज्वालामुखि गाउँपालिकाको ढाप भञ्ज्याङमा सुरुभएको भलिबल प्रतियोगिता जारी रहेको छ । समाज परिवर्तनका लागि एकजुट मित्रता एवम् स्वास्थ्यका लागि खेलकुद भन्ने नाराका साथ
  • नगर विकास समितिमा कमल सापकोटा

    नगर विकास समितिमा कमल सापकोटा

    धादिङबेसी कार्तिक २ । धादिङबेसी सदरमुकाम रहेको नीलकण्ठ नगरपालिकोको नगर विकास समितिको अध्यक्षमा कमल सापकोटा नियुक्ति हुनुभएको छ । नेपाल सरकार (मा.मन्त्री स्तर) को मिति ०७४ आश्विन २७ गते निर्णय
santoshdojer