धादिङको ज्वालामुखी गाउँपालिका ढोला डाँडा पुुुर्सुक निवासी ८४ वर्षिय हजुर आमाले यूरोप भ्रमण गर्न पाउँदा हर्षित हुनुभएको छ । ८ वर्ष कै कलिलो उमेरमा विहे गरेर घर जम सम्हाल्न पुगेकी हजुर आमा युरोप भ्रमण, त्यसमा पनि पानी जहाज यात्रा कल्पनामा पनि नसोचे यात्रा भएको भन्नु हुन्छ ।
नाती यूरोप भएकोले यूरोप भ्रमण गर्न पाएको र घुमेको सबै ठाउँहरु आफ्नो लागि स्मरणिय छ, त्यसमा पनि पानी जहाज यात्रा सम्झन लायक रहेको बताउनु भयो ।
नाती सुदिप भुषण अर्याल फिल्याण्डमा व्यवसाय गर्दै आएका छन् । उनी अहिले एनआरएन फिल्याण्डका सल्हाकार र त्यस अघिका एन्आएन् सेक्रेटरी समेत हुन् ।
हजुर आमा त्यत्रो पानी जहाज त्यत्रो सामान बोकेर पानी माथी गुड्न सक्नु गंगाको शक्तिले गर्दा सम्भव भएको बताउनु हुन्छ । पानी जहाज चड्ने बेला थुप्रै गाडी, ट्रकहरु पानी जहाज भित्र छिरे, यत्तिका गाडी यस भित्र छिरे अब डुब्ने भो जस्तो लागेको थियो, यत्ति ठुलो पानी जहाज पुरै घुम्न त १ दिन नै लाग्छ होला ? पानी जहाज भित्र सबै चिज घुम्ने ठाउँ देखि होटल सम्म म त साह्रै दंग हजुर आमाको अनुभति उधृत गर्दै नाती सुदिप भुषण अर्यालले धादिङपोष्टलाई बताउनु भयो ।
मान्छेहरु स्वर्ग जाने भन्थे यूरोप त मान्छेले नै बनाएको स्वर्ग रहेछ, आफ्नो नाती स्वर्ग मै बसी रहेको रहेछ, हजुर आमाले खुसी व्यक्त गर्नुभयो । सबै हजुर आमाहरुले यूरोपको अवलोकन गर्न नसके पनि यूरोपमा रहेका नेपालीहरुले आफ्ना परिवारलाई घुमाउन ल्याउन सुझव दिन्छु मैले त स्वर्गको अनुभती गरें परिवारका अन्य सदस्यहरुलाई पनि यूरोप घुमाउन हजुरआमाले आग्रह गर्नुभयो सुदिप भुषण अर्यालले हामीलाई बताउनु भयो ।
भुषण ले १३ तलाको (छत सहित) को पानी जहाजमा हजुरआमालाई घुमाउन फिनल्यान्ड, इस्टोनिआ लगायतका ठाउँहरुमा लगेका थिए । हामी सँगको कुराकानीमा भने यूरोप घुम्ने नेपालीहरु सबै आर्चय नै मान्दछन् यूरोपको विकास द्रुत गतिमा छ । पेसा र व्यवसाय संचालन सँगै आफुले नेपालबाट यूरोप आउनेहरुलाई सकेको सहयोग गर्ने गरेको बताउनु भयो । सामाजिक क्षेत्रमा समेत काम गर्दै आएका अर्याल कै सहयोग र पहलमा ढोलामा लिफ्ट पम्प खानेपानी आयोजना बनेको छ ।
हजुरआमा चढेको जहाजको विशेषता
उक्त पानी जहाजमा २५०० मानिस अटाउछ, ७३२ बेड सहितको २४० कोठा, २४० वोटा गाडी तथा सामान बोक्ने ट्रक, होटेल रेस्टुरा र नाइट क्लब, डिपार्टमेन्टल स्टोर, आकस्मिक उपचार केन्द्र, प्रत्यक कोठामा ट्वाइलेट, टिभि र टेलिफोन सुविधा हेलिप्याड लगायत अरु थुप्रै सुबिधाहरु उपलब्ध रहेको हुन्छ ।
फिल्याण्डले ठुला ठुला पानी हजाज बनाउँछ, भर्खरै २ वटा ठुला पानी जहहाज बनाउने अडर पाएको छ फिल्याण्डले एउटा ठुलो पानी हजाजको ४०० मिलियन यूरो पर्छ । एउटा प्रयोगमा आइ सकेको छ भने अर्कोको निर्माण कार्यजारी छ ।
हेल्सीन्कीबाट मुख्य २ ठाउँमा पानी जहाज कम्पनी भिक्किङ लाइन र सील्जा लाइन छन् । जुन फिल्याण्डबाट स्टोनिया, स्वीडेन जाने गर्दछ । यहाँ बनेका जहाजको मुल्य २०० मिलियन यूरो छ ।
